Makasikwa muine ruoko rwakatambanuka , ruoko rwunoraramisa nherera shirikadzi nevanotambura. Kumberi kwenyu hakuna mutorwa kunevana vaMwari ,naizvozvo murichikomborero chenyika ino nekuti hatisakamboona rudo rwakakura kudaro.
Zvenyu zvikomborero zvamunopihwa nedenga ,zvamunobudira ziya mega , zvamunonyengeterera nekutsanyira ndizvo zvamunogowana nevamwe . Munenge rwizi rwakakura rwunoti rwukazarisa rwunofashukira rwuchipa mvura kunedzimwe nzizi. Kunge muti unoti kana warembera nemichero unodonhedza mimwe kuti iraramise mhuka shiri nevanhu.
Zvipo zvamunopa zvinouya vanogamuchira vakarivara semvura yaMwari inoerekana yodopotsa tokandira zvedu mbesa muvhu. Zita renyu harina kusimudzwa nekutuka ,kushora kana kutsondoresa mweya yavamwe . Vanokuzivai vanokuzivai nekupa kunge kupa kwamukoma @scott_kupa kusina magumo kunge chitubu chisingapwi.
Munoti zvikomborero zvaizotadza kuwanda here nemoyo yevazhinji yamunofadza? Munoti maizotadza kuvengwa here nevasingadi chakanaka kana kuita kwenyu kwakanakisa sekudaro? Munoti kana iye Mwari pachake anotadza kuita manyemwe ekuwedzera zvikomborero pamsoro pezvimwe? . Ruremekedzo rwedu tinokupai, chiremerera chenyu chichagara pazita renyu zvachose. Maitiro enyu anowedzera Mbiri yekunaka kwaMwari.
Chose chamunoronga nenj’ere dzenyu ngachibudirire . Wedzerwai huchenjeri nekuti hunovandudza pfuma kubatanidza nekuyananisa. Hutano hwenyu ngahuchengetedzwe nekuti ndiyo pfuma yekutanga. Rambai muchipukuta misodzi yevanhu nekuti izodzo yamakapihwa . Happy new year kwamuri mukoma @sir_wicknell 🙏🏿
