Tsamba kuna Mhofu/Hodzeko
Munodiwa mwana wehazvadzi
Ko wakadiiko ikoko Gerimani tinongonzwa kuti kunofarwa zvikuru.Ko kubvira paya pakazvarwa Dzabu hatina kuzotauraka.Yakadiiko mhuri nhai baba vevasikana.lcho chidiki ichi kufanana kwachakaita matama neni zitete rechihera.
Chinzwaka mhofu shoko raita kuti ndinyore tsamba iyi.Muroora ndakataura naye achichema chishuwo chemurume wake unoziva Taira anochemaka uye ndakati pafiwa ndikaona kuti mukadzi wasuwa murume nhaiwe.ko urikuuya rinhiko Dzabu akuraka uyu.
Zvauriwe mhofu mutorwezve nenyika ikoko.kana zvinhu zvisiri kufamba wadii wauya Iyirenda takanzwa kuti uyu wengozi yekwa Masomera arikubatsira vanhu nemakambani arikutora vanhu chako kuenda kundenge zvese zvinenge zvabviswa.
Madzuura nzeve ndodiiko kuno ndichatotsvaga mukaka wembudzi ndisvinire mwana nokuti Dzabu akuita zamu rekutsenga ngachibva pamukaka adye mabhonzo ehuku kusimusi ino.Ndichafumiro bata jongwe muromo kuenda Harare panezvinoda kupushurwa Dzabu asati abva pamukaka.pepa ndiro randiperera
Vako Tete Mildred
