Funeral Notice
Stella Chidzenga Mushangidze, mudzimai wewaimbowe nhengo huru yeWabvuwi Guild, Baba Moses Mushangidze, wakashaya nenzira inofungidzirwa Kuti wakapondwa.
Kuti wakafa riini hazvisati zvazivikanwa. Asi chinozivikanwa ngechekuti kubva musi wa 7 September 2024 Mai Mushangidze wange wasiri kuzivikanwa kuti waripi.
Waitotsvagwa nehama neshamwari dzawo. Mazuva mashoma adarika, mutumbi wawo, phone nezvimwe zvinoratidza kuti ndiwo zvakawanikwa kudunhu reGutu, Masvingo Province.
Baba naMai Mushangidze waimbowe nhengo dzeAnglican ku St Columbus uko Baba waiwe Mubvuwi mai wari Mothers' Union. Wakazondopindira kuSt Stephen's Anglican Parish, kuChitungwiza.
Mashoko anoti mwana aifudza mbudzi kwaGutu ndiye akaona dehenya remusoro kwakumhanyira kunoziwisa vakuru. Vakuru vakazofambira nyaya dzacho vachishanda nemapurisa ndokuzotsvaga mamwe mabhonzo emufi ndokuzoona phone yakadzimwa, handbag, wallet yaiwe nezvitupa nemacards ekubank, neimwe hembe yaiwe yakapfekwa nemufi paakabva pamba. Asi mamwe makodo zvinonzi haada kuwanikwa.
Mufoni wakawana zita rakanzi "Daddy" ndokuridza nhare, shoko rerufu kuna baba wemushakabvu.
Panguva yekufa kwawo, Mai Mushangidze waiwe wabva pamba wachiti wari kuenda kunorapwa kuclinic ku Ushewokunze, uko waigara. Kubva ipapo hawana kuonekwa, kusvikira mashoko erufu rwawo azoziwiswa kunzvimbo yeGutu.
Waiwe mudzidzisi kwenguva refu.
Kunyangwe Baba Mushangidze waiwe wasisiri nhengo yeWabvuwi Guild, zvakakosha kurangarira kuti mhuri iyi yakafamba neWabvuwi kwenguva refu uye waiwe vanhu vanoremekedzwa zvikuru vachishandira Mwari.
Pari zvino mhuri iri kufambisa mapepa kuti Mai Mushangidze wazosvike pakuvigwa.
